CAGAYAN DE ORO CITY –Napatay kay misukol sa kapolisan ang high value target ug laing kauban niini nga naglihok sa Bukidnon.
Kini human nakig-pinusilay sa kapolisan nga gika-transaksyon sa pagbaligya’g ilegal nga droga nga gitoohang shabu sa Valencia City,Bukidnon.
Miingon si Valencia City Police Station commander Lt Col Surkie Serenias nga giila ang prime target nga si Justine Paloma,hingkod ang panuigon nga nagpuyo ra usab sa maong syudad.
Dugang ni Serenias nga tuyo lamang unta dakpon nila si Paloma apan nakigpinusilay na hinoon kini gamit ang kalibre 45 nga armas hinungdan nahitabo ang running gun battle kagahapon sa buntag.
Nakuha gikan sa mga namatay’ng suspek ang duha ka 45 nga armas ug balor 14-mil pesos nga kantidad sa walo ka sachets sa gitoohang shabu.
