CAGAYAN DE ORO CITY – Nasignit ang high value target ug minor sa gilusad nga buy-bust operation sa Purok 6,Brgy West Poblacion,Kalilangan,Bukidnon.
Giila sa mga operatiba sa Kalilangan Municipal Police Station ang dinakpan nga si alyas Bornok,21 anyos ug si alyas Maynor, 17 anyos nga pulos nagpuyo sa Wao,Lanao del Sur.
Gibutyag ni Police Regional Office 10 Director Brig Gen Jaysen De Guzman nga maoy nakuha gikan sa mga suspek ang sobra 105 gramos nga gitoohang shabu nga adunay kantidad 715-mil pesos.
Nasuta nga walay mga trabaho ang mga dinakpan ug bag-o sila sa listahan sa kapolisan.
Atubangon sa mga dinakpan ang kasong pagsupak sa Republic Act 9156 sa piskalya ning dakbayan.
Nunot niini,gidayeg ni De Guzman ang laing kalampusan sa Kalilangan Police Station kuyog ang 2nd Platoon sa 1004th Maneuver Company, Regional Mobile Force Battalion 10 ug Bukidnon Provincial Intelligence Unit.
