Bisan gipaagi sa “Hyperbole” o dayag nga pag-ingon nga “sila ipapatay”, dili gihapon matago ang kamatuoran nga adunay mga namatay sa kampanya kontra droga sa administrasyon ni kanhi Presidente Rodrigo Duterte.
Namahayag si Atty. Buboy Mendoza, senior legal officer sa Balaod Mindanaw nga nailhan ang kanhi presidente nga adunay tendensiya nga mag-overpronounce sa iyang mga pulong, ilabi na sa mga pahayag may kalabutan sa war on drugs.
Apan bisan pa niini, si Mendoza miingon nga dili mahimong ikalimod ang mga insidente sa kamatayon nga nalambigit sa maong kampanya.
Alang sa abogado, nagsilbing dakung hagit karon sa prosekusyon ang pag-establishar sa tin-aw nga oneksyon tali sa giingong “hyperbole” nga mga pahayag ug sa aktuwal nga mga hitabo sa pagpatay.
Lakip sa ikonsiderar sa mga huwes sa ICC ang mga interview ug mga ebidensya nga mudoot kang Duterte sa iyang gi-atubang nga kasong crimes againts humanity.
