Hingpit nang napaluya ang nuclear program sa Iran segun sa Pentagon.
Namahayag si Defense Department spokesperson Sean Parnell, nga ma-abtan pa sa kapin duha ka tuig ayha subli mapakabakud ang tolo ka nuklear nga pasildad, human kini gi-shutdown sa Amerika niadtong Hunyo 22.
Bisan pa man sa maong pahayag, ang International Atomic Energy Agency (IAEA) nagpahimangno nga posible nga makabalik ang Iran sa uranium enrichment sulod lang sa pipila ka bulan.
Nakakuha usab sa report ang IAEA nga ang Iran posibleng nakalihok sa ilang mga stockpile sa enriched uranium sa wala pa ang mga strike, apan kini gi-deny sa US.
Hisayran nga human sa maong gubat, nga milungtad sa 12 ka adlaw tali sa Israel ug Iran, ang Tehran Government mihunong sa kooperasyon sa IAEA ug wala na magtugot sa inspeksyon sa ilang mga nuclear sites.
