CAGAYAN DE ORO CITY-Ihaya una sa pamilyang Lariba ang patay’ng lawas ni Olympian table tennis player Ian ‘Yan-Yan’ Lariba sa kauluhan sulod sa tulo ka adlaw.
Kini sa tuyo nga makaduaw ang kadagkuan sa Philippine Sports Commission,table tennis community ug daghang kaila ni Lariba.
Miingon ang inahan ni Yan-Yan nga si Gng Mel Lariba nga sakit man ang nahitabo apan pugsanon nila gidawat ang hitabo.
Gibutyag ni Gng Lariba natandog kaayo ang ilang pamilya tungod sa kadaghan sa miduyog sa ilang kasub-anan nga naglakip sa international table tennis community.
Dugang niini nga gihan-ay pa usab nila ang punerarya nga pahimutangan sa haya ni Ian dinhi sa syudad ning semana.
Si Ian ang ihatod sa katapusang pahulayan sa Oro Gardens sa Brgy Lumbia ning syudad.
Nadiskobre si Ian nga nagbaton sa leukumia Mayo 2017 ug namatay Setyembre 2 ning tuiga.
Kabahin sa legasiya nga gibilin ni Lariba ang pagsilbing outsanding player sa Palarong Pambansa,UAAP,ASEAN games ug pagdula sa Rio de Janiero Olympics sa Brazil sa tuig 2016.
