CAGAYAN DE ORO CITY-Gihagit sa mga abogado nga ubos sa Integrated Bar of the Philippines o IBP-MisOr-CdeO Chapter ang Malakanyang nga ipahibalo sa publiko ang tinood nga kahimtang sa panglawas ni Pres Rodrigo Duterte.
Si IBP MisOr-Cdeo Chapter Pres Atty Eddie Cuaresma miingon nga nalatid sa konstitusyon nga kinahanglang pahibal-on ang publiko sa kahimtang sa panglawas sa presidente, bise-presidente ug senador.
Dugang ni Cuaresma nga wala na lamang unta misulod sa pulitika si Duterte kon nagkinahanglan siya’g pribasiya sa kahimtang sa panglawas.
Nagtoo si Cuaresma nga dili pa grabe ang gihambin nga balatian ni Pres Duterte.
Gani, gikalipay ni Cuaresma ang pagpangayo’g break niini sa mga giatubang nga problema sa nasud.
Gibutyag usab niini nga wala siya’y nakitang dautan kon nganong gitago ni Pres Duterte ang iyang biyahe padulong Hongkong.
