Dakong bakak ug dili tuohan ni Atty. Rhobert Maestre, board of director sa Integrated Bar of the Philippines (IBP) Misamis Oriental Chapter, ang pahayag ni former House Speaker Martin Romualdez nga limpyo ug wala siya’y kalabotan sa halapad nga korapsyon sa nasud.
Sumala ni Maestre, lisod tuohan ang maong pamahayag tungod kay sa panahon ni Romualdez isip Speaker, grabe ang paghatag og ayuda ug AICS, ug daghang kongresista ang nag‑ity‑itoy kaniya.
Para kaniya, nanghunaw lamang si Romualdez ug wala nagsulti sa tinuod, kay imposible nga wala siya’y kalabotan sa halapad nga korapsyon sa nasud.
Gihatagan og gibug‑aton ni Maestre ang importansya sa pagtuo lamang sa mga beripikado nga impormasyon ug konkretong ebidensya sa mga alegasyon, tungod kay maski ang mga opisyal sa nasud karon lisod na tuohan.
