CAGAYAN DE ORO CITY-Gisupak sa Integrated Bar of the Philippines o IBP Misamis Oriental-Cagayan de Oro chapter ang hangyo ni Pres Rodrigo Duterte nga 1-year extension sa Martial Law sa tibook Mindanao sa Kongreso.
Sa personal nga opinyon ni IBP Misamis Oriental-CdeO chapter Pres Atty Eddie Cuaresma wala siya’y nakita nga balidong rason aron lugwayan pa ang Martial Law ilabina nga napukan na ang mga Maute-ISIS ug wala nay actual rebellion nga nahitabo sa Mindanao.
Siya miingon nga kun ugaling mapatuman ang extension sa batas-militar, wala na kini makahaom sa konstitusyon.
Gihagit usab niya ang Presidente sa pag gamit sa “call out power” aron pagsumpo sa lawless elements.
Matud ni Cuaresma nga pinaagi sa “call out power”, mahimong manduan ni Pres Duterte ang mga sundalo nga maoy mag-abog sa lawless elements kun ugaling may potential threat, recruitment ug nahitabo nga re-grouping.
