CAGAYAN DE ORO CITY-Kusganong gikontra sa hugpong sa Intergrated Bar of the Philippines o IBP nga hatagan pagbili sa mga mahistrado ang quo warranto petition ni Solicitor General Jose Calida batok Supreme Court chief Justice Maria Lourdes Sereno.
Kini human gimando sa Korte Suprema nga mo-atubang si Sereno sa maong petisyon sa ilang summer sessions sa Baguio City sunod semana.
Miingon si IBP-Misamis Oriental chapter president Atty Ed Cuaresma nga maguba lamang pagsamot ang hudikatura sa himoon sa korte suprema.
Si Sereno kinsa mo-atubang usab sa impeachment proceedings sa senado ang tinguha wad-on ni Calida sa puwesto kay giingong kuwestiyonabli ang kuwalipikasyon niini sa pagsilbing chief justice sa korte suprema.
