CAGAYAN DE ORO CITY-Supakon sa Integrated Bar of the Philippines o IBP-Misamis Oriental-Cagayan de Oro Chapter nga dinhi sa syudad ipahigayon ang pagdungog sa kasong rebelyon sa mga teroristang Maute.
Kini human unang gimando ni Supreme Court chief Justice Maria Lourdes Sereno nga ang mga korte sa syudad ang mohimo’g pagdungog sa mga kaso batok sa mga masikop nga mga terorista.
Gibutyag ni IBP-MisOr-CdeO chapter president Atty Ed Cuaresma nga nga kulang sa pasilidad ang mga korte sa syudad aron i-akomodar ang mga terorista.
Giuyunan sa mga abogado sa syudad ang sugyot ni Justice Sec Vitaliano Aguirre nga gawas sa Mindanao dunggon ang mga kaso batok Maute group aron makalikay sa peligro ang katawhan sa syudad.
Sa pagkakaron, nagpalugwa na sa resolosyon ang grupo ni Cuaresma aron ihatud kini sa Korte Suprema.
