CAGAYAN DE ORO CITY-Nagtoo ang Integrated Bar of the Philippines Cagayan de Oro- Mis Or Chapter nga mi-epekto na kang Solicitor General Jose Calida ang gaba sa iyang giduso nga quo warranto petition batok ousted Chief Justice Ma Lourdes Sereno.
Kini may kalabutan sa kasong graft ug “misconduct” nga gipasaka kaniya sa usa ka pribadong indibidwal.
Si IBP Cagayan de Oro-Misamis Oriental chapter Pres Atty Eddie Cuaresma miingon nga kinahanglang atubangon ni Calida ang hagit nga ipakita sa publiko ang iyang SALN ilabina nga mao kini ang iyang giggamit nga hinagiban pagpapha sa pwesto ni Sereno.
Naglaum usab si Cuaresma nga mabag-o ang hukom sa Korte Suprema kalabot na sa ilang pagpabor sa quo warranto petition.
Matud ni Cuaresma nga pinaagi sa ilang giduso nga motion for reconsideration, mausab ang desisyon sa korte ilabina nga klaro kaayo nga wala makasunod sa balaod ang ilang gihimo.
Dugang pa ni Cuaresma nga delikado ang gihimo sa mga hurado tungod kay posibleng maabusaran ang quo warranto petition.
