“We didn’t see this coming”—mao kini ang reaksiyon sa Integrated Bar of the Philippines kabahin sa nahitabong pagpabuto og armas sulod mismo sa Senado niadtong Miyerkules sa gabii.
Sa interbyu sa Bombo Radyo, gipadayag ni Atty. Allan Panolong, national president sa IBP, nga dako ang ilang pagkatingala ug kakurat sa insidente, ilabi na nga wala nila damha nga adunay violent incident nga mahitabo sulod sa usa ka respetado ug dignified nga institusyon sa gobyerno.
Matod sa abogado, ang Senado usa ka simbolo sa representasyon sa katawhan, busa lisod hunahunaon nga adunay pagbuto sa armas nga molanog sulod niini.
Gipasabot usab niya nga ang maong hitabo nakahatag og kabalaka sa legal community ug sa publiko tungod sa kahimtang sa seguridad sa maong institusyon.
Bisan pa sa nahitabong insidente, giingon ni Panolong nga usa sa positibong aspeto mao nga walay naangol.
