CAGAYAN DE ORO CITY – Dili kumbinsido si LGBTQ Pilipinas President Atty. Samantha Tan nga pinakapatas ug angay sundugon sa mga korte sa Pilipinas ang mga paagi ug mga patakaran sa pagdungog sa mga kaso sulod sa International Criminal Court (ICC) sa The Hague, Netherlands.
Kini human unang gipamugos sa pipila ka human rights advocates nga ensakto lamang nga mataral sa ICC si kanhi Pres Rodrigo Duterte sa iyang giatubang nga kasong crimes against humanity.
Namahayag si Tan nga angayang masayran sa kadaghanan nga nagsilbi gihapon nga ‘political arm’ ang ICC rason nga wala nagpasakop ang dagkong kanasuran sama sa Estados Unidos,China,Rusya ug Germany.
Hisayrang dili bilib si Tan nga patas motratar ang ICC sanglit wala sila’y kaya dakpon si Russian Pres Vladimir Putin ug Israeli Prime Minister Benjamin Netanyahu nga dayag ang mga kapapasan itandi kang Duterte nga nagpatuman lang sa war on drugs dinhi sa nasud.
