CAGAYAN DE ORO CITY – Gitawag nga ‘selective justice’ sa usa ka geo-political analyst ang gihimong lakang sa International Criminal Court o ICC batok kang kanhi Pres. Rodrigo Duterte didto sa The Hague,Netherlands.
Kini ang pagtoo ni Professor Anna Malindug-Uy tungod kay mas bangis pa ang gihimo ni Israeli Prime Minister Benjamin Netanyahu nga wala alang-alanga ang pagpatay sa daghang kinabuhi sa mga ordinaryong sibilyan sulod sa Gaza, Palestine itandi kang Duterte.
Kini tungod kay ang gihimo ni Duterte ang pakig-giyera batok sa mga personalidad nga giingong nalambigit sa illegal nga droga nga dakong bahad sa katibuk-ang seguridad sa nasud.
Siya miingon nga tungod kay protektado ug paborito sa Western powers ang Israel rason nga dili basta-basta matandog si Netanyahu itandi kang Duterte nga layo sa dughan sa Amerika ug lig-on ang baruganan niini nga ‘friend to all’ friend policy sa gidumala niya nga administrasyon.
Kini ang rason nga kumbinsido siya nga selective justice lang ang gihimo sa ICC alang sa mga pobreng nasud gikan sa kontinente sa Aprika ug bisan sa Asya diin nagsumikad ang Pilipinas.
Hisayrang mipalag ang daghang political supporters ni Duterte dili lang sa Pilipinas apan bisan sa ubang bahin sa kalibutan sa paghatag pagtugot sa gobierno nga gisignit kini ug ma-kustodiya sa ICC tungod sa pasangil sa crime against humanity.
