CAGAYAN DE ORO CITY – Muabot sa 420 kilo ang volume o gidaghanon sa ammonia nga nagleak sa bulb sa planta sa P and W Ice plant sa Brgy Puerto ning syudad.
Tipik kini sa inisyal nga resulta sa imbestigasyon sa namugna nga inter-agency fact finding team nga gilangkuban sa Department of Environment and Natural Resources, Environmental Management Bureau City Health Office,city council ug kapulisan ning syudad.
Gibutyag ni DENR-EMB Director Reynaldo Degamo nga muabot sa 17 minutos ang pagleak sa gaas pagawas sa planta.
Nakadawat sa report ang mga eksperto sa DENR nga miabot ang raduis sa baho sa ammonia sa pipilang bahin sa Brgy. Bugo, ug Brgy Agusan.
Gibulgar san ni Engr. Degamo nga ikaduha na ka higayon nga nagleak ang ammonia sa maong planta.
