Gikondenar sa Independent Commission for Infrastructure (ICI) ang mga report nga adunay mga personnel sa Department of Public Works and Highways (DPWH) nga midaut sa mga dokumento nga gikinahanglan sa komisyon aron mapalawoman ang imbestigasyon sa anomalosong flood control projects.
Sa press release nga gipagula ni ICI Chairman Justice Andres Reyes Jr., iyang gibutyag nga kini nga kalihukan tataw nga adunay intensyon nga pugngan ang imbestigasyon.
Mipasabot si Reyes nga ang binuhatan nakalapas sa transparency ug accountability sa usa ka ahensya sa gobyerno.
Hugot nga subayon sa ICI ang tanan lakang aron masiguro nga mapanubag ang bisan kinsa nga mapamatud-ang responsabli.
