CAGAYAN DE ORO CITY, Philippines – Mipanaw na sa laing kalibutan si Phil Lesh, ang founding member ug bassista sa iconic rock band nga Grateful dead.
Namatay ang rock icon sa edad 84, nga gipalibutan sa iyang pamilya ug uban pang minahal sa kinabuhi sulod sa iyang panimalay sa California.
Wala na mihatag dugang detalye ang pamilya ni Lesh kung unsa ang matood nga rason sa pagkabugto sa iyang kinabuhi.
Apan basi sa impormasyon gikan sa Associated Press, nagsilbing cancer survivor si Phil human kini maigo sa prostate, ug bladder cancer.
Tuig 1998 mipaubos kini sa Liver transplant epekto sa iyang impeksyon sa Hepatitis C.
Niadto, naila si Phil nga sobra ka palahubog ug heavy drinker.
Kini ang rason sa paglugdang sa normal nga paglihok sa iyang atay.
Namugna ang bandang Grateful Dead tuig 1965 sa Palo Alto kuyog sa iyang original band members nga si Jerry Garcia, Bob Weir, Ron “Pigpen” McKernan ug Bill Kreutzmann.
Tolo ka dekada niyang naka-uban sa banda si Garcia isip ilang bokalista, hangtud sa ilang pagbulag-bulag sa tuig 1995.
Unang naila ang banda sa ngalan nga The Warlock hangtud sa giilisdan kini sa mas dali dumdumon band name, ang “The Grateful Dead”.
Giila si Phil isip ika-11 nga pinakahanas nga basista sa rock genre.
Lakip sa iyang gipasikat mao ang alawitong “Touch of Grey”, ” We Can Run” , “Fire on the Mountain” ug daghan pang uban.
