CAGAYAN DE ORO CITY-Wala pa mailhi sa kapolisan ang identity sa usa ka babaye nga gisulod sa sako ug gilabay sa Brgy Maputi lungsod sa Naawan, Misamis Oriental.
Nakita sa mga concern citizen ang biktima nga gibaatan ang baba niini’g masking tape, gihikta’g pisi ang kamot ug tiil sa biktima.
Giputos usab dayon sa cellophane ang ulo niini ug adunay samad sa agtang nga gitoohang gibunalan og gahi nga butang.
Deskripsyon sa biktima mao nga nag-edad sa 30 hangtud 40-anyos, nagsul-ob sa sweat-shirt nga kolor puti ug stripe nga t-shirt ang ilawom niini.
Gitoohan nga gilugos ang biktima ayha gipatay.
