CAGAYAN DE ORO CITY-Pabiling wala pa maila ang lalake nga na hit & run sa Barangay Bulua ning syudad.
Nagpabilin pa sa Bollozos Funeral Parlor ang biktima nga anaa sa 5’1 ang gitas-on, itomon ug patikan ang lawas.
Una niini, napalgan na lamang nga naligo sa kaugalingong dugo ang wala pa maila nga lalaki kinsa gituohang nabanggaan sa usa ka pribadong sakyanan apan gibiyaan lamang kini.
Nakaangkon og mga samad sa nagkadaiyang parte sa lawas ang biktima hinungdan na usab sa hinanali niini nga kamatayon.
