Dugang 10 ka Palestino ang patay sa Israeli airstrike sa Gaza Strip.
Segun sa Palestinian security sources, mipalupad sa drone ang Israeli Defense Forces o IDF ug mitarget sa grupo sa mgasibilyan nga nagtapok sa northern Rafah City.
Miingon ang Medics sa maong lokalidad nga duha ka patay’ng lawas ang narekober sa maong lugar.
Sa pikas bahin, gibutyag sa Palestinian Civil Defense sa Gaza nga dunay mass casualties sa mga Palestino sa Khan Younis, sa Southern Gaza diin, lima ka lawas ang nabangalan.
Laing tulo ka lawas ang narekober sa duol sa tunghaan nga nagsilbing evacuation center sa mga sibilyan sa komonidad sa Zeitoun.
Sa susamang adlaw, gibombardiyo sa Israeli army ang displacement tents sa al-Aqsa Hospital sa syudad sa Deir al-Balah, diin, upat ka tawo ang patay.
Hisayran nga sulod sa 24 oras nga pag-atake sa IDF sa lima ka lokasyon sa Gaza, misaka pa sa 25 ang patay, ug 56 samaran diin kasagaran mga bata.(Bombo Anne Quileste).
