Defensive mode.
Kini ang nag-unang tubag ni Pentagon Press Secretary Air Force Major General Pat Ryder sa isyu sa pag-atake sa Israeli Defense Forces o IDF sa laing “school-shelter” sa Gaza nga gikamatay sa 18 ka tawo.
Miingon si Ryder nga wala sa posisyon ang Estados Unidos nga mandaran ang gobyerno sa Israel sa ilang tactical field operations.
Apan gimintinar niini ang pag-abiso nga gamiton lamang ang ilang mga armas agig depensa sa mga sibilyan ug opensiba batok sa mga nahibiling miyembro sa Hamas militants sa Gaza.
Una nang misaka sa 18 ka tawo ang patay human milusad sa military airstrike ang IDF sa Gaza Strip nga gilakipan sa unom ka staff members sa United Nations agency for Palestinian refugees.
Maoy gi-atake ang al-Jaouni school nga maoy nagsilbing Nuseirat refugee camp sulod sa 11 ka bulan nga gubat sa Hamas ug IDF. (Bombo Anne Quileste).
