CAGAYAN DE ORO CITY, Philippines – Gihimakak sa Israeli Defense Force (IDF) ang pag-atake sa Gaza School Complex, kung asa nagpasilong sa gatus ka mga Gaza Refugees.
Namugos ang IDF, walay mga sibilyan nga namuyo sa maong tunghaan nga nahimutang sa Deir Al-Balah, gawas sa mga nanago nga mga militanteng sakop sa Hamas.
Sa pagkutlo ning balita, ang gi-akusar nga IDF airstrike sa miresulta sa pagkakalas sa 30 ka mga Palestino.
Una niini, gipamugos ni IDF Spokesperson Rear Admiral Daniel Hagari nga dugay ra nilang gi-abog ang mga sibilyan sa mga lokasyon nga gitoohang ‘hideouts’ sa mga militante.
Sa milabay’ng mga bulan, gisita sa IDF ang mga sibilyan nga nagmagahi sa pagbiya sa mga abandonadong tunghaan sa Northern Gaza ug gidala sa Al-Mawasi.
Ang Al-Mawasi, gideklarar nga ‘humanitarian zone.
Sa televised speech, nagpadayag ang IDF nga dili undangon sa ilang puwersa ang pagpangita sa nahibiling 115 nga hostages nga gihuptan sa Hamas Militants, human lima ka patay’ng lawas sa mga dinagit ang nabangalan sa Khan Younis City.
Kini gilangkoban nila Kindergarten Teacher – Mayo Goren; IDF Staff-Sergeant Tomer Ahimas; Sergeant Kiril Brodski; IDF Warrant Officer Major Ravid Aryeh Katz; ug si IDF Master Sergeant Oren Goldin.
