Mikalas sa 12 ka tawo ang labing lab-as nga airstrike sa Israeli Defense Force sa Jabaliya. Segun sa Shifa Hospital staff, tulo ka babaye ang lakip sa namatay ug dili pa matumbok ang kinatibuk-ang ihap sa mga samaran.
Nahitabo ang insidente samtang milusad sa lihok protesta sa kadalanan ang mga kalalakihan human nila gireklamo nga wala nay pagkaon ug ayuda nga naka-abot kanila gikan sa United Nations.
Ang pipila kanila mibasol sa IDF nga maoy miharang sa humanitarian trucks.
Ang reklamo sa mga tawong naipit sa gubat sa Gaza. Sa pikas bahin, paspas nga gisumbalikan sa IDF ang pasangil sa mga biktima sa gubat.
Gipakita ni IDF Spokesperson Brigadier General Effie Defrin ang mismong lokasyon sa mga Humanitarian Trucks nga gibiyaan sa mga UN Volunteers ug World Food Program.
Namugos si Defrin nga mas gipili sa UN nga musalig sa Hamas, inay sa IDF sa pag-apud-apud sa mga ayuda, hinungdan nga nagpataliwala ang mga militar.
Hisayran nga upat na ka adlaw gibiyaan UN Drivers, ang 90 ka mga dagkung aid trucks sa Kerem Shalom crossing, Gaza
