Subling gipatingog sa Israel Defense Forces (IDF) ang ilang mga serena sa Khan Younis sa Gaza, aron ipabakwit sa mas luwas nga dapit, padulong sa kasadpan.
Namahayag ang IDF nga tumong sa forced evacuation ang paglikay sa umalabot nga opensiba nga posibleng sugdan sa mga nahibiling miyembro sa Hamas Militants.
Gibutyag ni IDF Arab-language spokesperson Avichay Adraee, sa social media X, nga mulusad sa mga airstrike ang kasundaluan aron limpyuhan ang nagsilbing hideouts sa mga teroristas.
Gibana bana nga muabot sa 100 ka ka “terror” targets sama sa rocket launchers, military structures, ug weapons storage facilities ang gibungkad sa IDF sa milabay’ng semana human makakuha silag report nga naghinay-hinay sa pagbalik-atibo ang mga militante.
Kung mahinumduman nga misaka pa sa 57, 130 ka tawo ang patay, ug 135,173 na ang nasamdan nga mga Palestino, sukad nasugdan ang Oktobre 7 nga ataka sa Hamas sa Kibbuts Area sa Israel, tuig 2023.
