Gitin-aw ni Agricultural Productivity Operations Office Acting Department Manager Engineer Bernie Daba Jr. nga medyo lisod alang sa mga mag-uuma ang direkta nga pag-adapt sa mga bag-ong pamaagi sa agrikultura.
Hinungdan nga gipahigayon sa ilang buhatan ang mga Information, Education, and Communication o IEC programs ug mga caravan aron matudloan ug maagak ang mga mag-uuma pinaagi sa tabang sa ilang mga teknisyan.
Pinasikad sa pamahayag sa opisyal, “to see is to believe” ang kadaghanan sa mga mag-uuma sa dakbayan diin giisip usab niya nga daw mga scientist tungod sa kaalerto niini sa pagsuway sa mga bag-ong paagi.
Hinuon, maayong gidawat na karon sa mga mag-uuma ang maong modernong teknolohiya tungod kay nakita nilang mas napasayon niini ang ilang labor o paghago sa pag-uma diha sa ilang kabukiran.
