CAGAYAN DE ORO CITY – Dili modupa si IFI Bishop Felixberto Calang sa giatubang nga kaso sa iyang pag-umangkon nga si Glen Calang, 31-anyos nga gireklamo sa market vendors sa West Bound Terminal Public sa pagpangilkil ug pagpanion sa armas sa Barangay Bulua sa syudad.
Giangkon ni Calang nga iyang pag umangkon ang giakusahan apan gitin-aw niya nga dili kini anak sa iyang igsoon.
Dugang Calang nga kinahanglang atubangon sa iyang pag-umangkon ang nahimo niining salaud ug taralon sa korte.
Samtang kasuha’g extortion sa PNP si Glen sa piskalya ning adlawa.
Kini human madakpi ang suspek sa gitaguan niining balay sa Brgy Danatag, Baungon,Bukidnon sa miaging semana.
Gibutyag ni Bulua Police Station commander Major Aldren Baculio nga may tulo na ka reklamante ang modusog kaso batok sa suspek ug hayan madungagan pa kini.
Hisayran nga nagtrending pa ang video diin makita ang gihimong krimen sa batan-ong Calang.
