CAGAYAN DE ORO CITY-Naglaum si Iglesia Filipina Independiente o IFI Bishop Felixberto Calang nga dili planted ang armas o bala nga nakuha sa iyang kauban nga nadakpan sa usa ka checkpoint sa diha sa Brgy Gango, Ozamiz City,Misamis Occidental.
Gidakop sa Ozamiz City Police Office sila si Bishop Carlo Morales; asawa nga si Maria Teofilina Morales; church driver nga si Isadome Dalid ug Rommel Racal Salinas human makuhaa’g armas ingon man mga bala.
Si Calang miingon nga nakurat sila sa maong report ilabina nga naila si Morales nga responsable sa iyang katungdanan.
Samtang gisaway ni Calang ang kwestiyonableng pagdakop kang Morales ug sa iyang mga kauban.
Matud ni Calang nga wala sila makaangay sa gihimo sa Ozamiz City Police nga ilang gipusasan si Morales nga susama sa usa ka kriminal.
Gipaubos na sa inquest proceedings si Morales ug asawa niini samtang giandam na ang kasong illegal possession of firearms batok kanila.
Hisayran nga miggawas sa report sa kapolisan nga miembro sa National Democratic Front of the Philippines ang usa sa mga kauban ni Morales nga si Rommel Racal sa dihang nadakpan.
