CAGAYAN DE ORO CITY – Dili palabyon sa interim management ang paghimo’g dugang kasong legal batok sa regular officials sa Cagayan de Oro Water District (COWD) ug board of directors.
Kini human wala na pasudla subay sa regular COWD officials order si interim General Manager Fermin Jarales nga bag-uhay pang nakabalik gikan sa iyang official business sa kauluhan dihang gusto na untang magbalik-opisina kagahapong adlawa.
Nagsumikad ang mando nga no entry si Jarales sa mando sa iyang gipahamtanga’g work from home order nga si regular COWD General Manager Antonio Young.
Sa wala pa makabalik si Jarales sa syudad gikan sa kauluhan, mi-takeover usab si Young sa general manager’s office.
Basehan pagtake-over ang mga probisyon sa Presidential Decree 198 diin gipamugos sa COWD organic employees ang legalidad sa pag-takeover sa Local Water Utitlies Administration pinaagi sa pagbutang sa interim BODs ug GM.
Sa gilugwa nga pahayag ni Jarales mismo atubangan sa pultahan sa employees entrance,namahayag kini nga dako kining pagdagmal ang gihimo sa grupo ni Young rason duna sila’y himoon niining lakang legal.
Samtang sa panig usab sa regular COWD management, namahayag ang asst manager nga si Engr Edna Najael nga walay ilegal apan pinasubay sa legal ang ilang gihimo sukwahi sa gipamugos ni Jarales.
Siya miingon nga saksi ang sakop sa prensa nga dili puwersado ang pagsulod-balik ni Young sa maong opisina kay nagsubay kini sa balaod.
Gani,walay gidid-an nga bisan kinsa nga gidid-an nga pasudlon sa COWD kon lehitimo lang ang katuyuan niini.
Apan namugos kini nga hugot nilang gidili nga pasudlon kadtong mga tawo nga walay koneksyon sa COWD operations.
Dumduman nga apil sa unod sa gilugwang pahayag ni Jarales ang pagbatbat sa mga giingong isyu nga naglakip sa 2017-2022 consistent financial mismanagement sa Commission on Audit.
Naapasagdan nga mga ekipo sa mismong bodega sa COWD-Kauswagan nga gamiton unta alang sa pagtubag sa non-revenue waters sa syudad nga una nang gihimakak ni Najael.
