CAGAYAN DE ORO CITY – Sundon ni interim Cagayan de Oro Water District o COWD General Manager Fermin Jarales kon unsa man ang ilugwa nga hukom sa korte kabahin sa posibleng extension sa ilang tahas nga gihatag kanila gikan kang Pres Bongbong Marcos pinaagi sa LWUA.
Kini ang tubag ni Jarales nunot sa petisyon nga giduso sa regular COWD board of directors nga gusto nang mobalik igo paghupas sa unom ka bulan nga tahas sa interim.
Gihimo ni Jarales ang katin-awan nunot sa daw daghang nagpatoo ‘Korte Suprema’ o nga mga batid sa balaod kabahin sa ilang pagsilbing interim mngt officials sa COWD.
Gipasudlan ni Marcos sa interim mngt ang COWD tungod sa daghang isyu sama sa bayrunon ngadto sa COBI ug ang pagpanghilabot sa city govt sa mga kalihukan niini.
Samtang wala pasagdi apan kabahin sa gipangtaa’g sulbad sxa interim COWD mngt ang nagkadako nga utang-obligasyon niini sa MetroPac-COBI.
Kini human mi-resulta sa pagduso’g kaso sa MetroPac sa international arbitration sa Singapore aron makuha na ang wala pa mabayari nga obligasyon sa COWD.
Miingon si Jarales nga tipik kini nga sulbarunon ubos sa 5-year devt plan sa ahensiya.
Siya miingon nga kabahin sa ilang tinguha nga iagi sa longterm ang pagbayad sa maong obligasyon kon mosugot sa negosasyon ang kadagkuan sa COBI.
