CAGAYAN DE ORO CITY – Gipaubos sa imbetigasyon ang kandidato pagka-brgy kapitan nga namusil-patay sa kaugalingong igsoon pipila ka oras sa wala pa ablihi ang voting hours sa Barangay Poktan,Butig,Lanao del Sur.
Kini ang kompirmasyon ni Lanao del Sur Provincial Police Office spokesperson Police Maj. Alinaid Moner kabahin sa subo nga gidangatan ni Madid Bao gika sa mga kamot sa iyang igsoo nga si Jamail Bao nga pulos nagpuyo sa lugar.
Subay sa imbestigasyon,unang nagkalalis ang magsoon sa wala pa mobotar dihang nag-resulta sa pagpamusil hinungdan sa kamatayon sa biktima.
Si Jamail ang nakig-atbang sa kapikas sa iyang igsoon kinsa nagpapuli subli pagka-brgy kapitan sa ilang lugar.
Naigo sa dughan sa wala pa matino nga klase sa armas ang biktima hinungdang patay nang nadala sa ospital.
Una niini,paspas nakustodiya sa 51st Infantry Batallion,Philippine Army ang suspek dihang narespondehan ang maong hitabo kagahapon sa buntag.
