CAGAYAN DE ORO CITY – Mitahan sa militar ang laing miembro sa pamilya nga sakop sa Dawlah Islamiyah nga konektado sa teroristang ISIS sa Madalum,Lanao del Sur.
Miingon si AFP Western Mindanao Command spokesperson Lt Col Gerry Besana nga maoy mitahan sa 55th IB si alias Pacong kinsa nagdala sa iyang M653 rifle, magazines ug mga bala.
Asoy ni Besana nga napatay sa militar ang igsoon ni Pacong sa Marawi siege.
Gipaubos sa custodial debriefing sa militar si Pacong.
Samtang gibutyag ni Besana nga laing tulo ka high-powered firearms gikan sa Masiu, Lanao del Sur ang gitugyan ubos sa 49th Infantry Battalion human gitahan sa katawhan didto sa maong lugar.
AFP Western Mindanao Command spokesperson Lt Col Gerry Besana
