CAGAYAN DE ORO CITY-Padayon pang gilakag sa kapulisan ang duha ka mga suspek nga nakapusil sa taxi driver nga igsoon sa pulis sa Zone 2 Bugo ning syudad kagabii.
Base sa imbestigasyon sa Puerto Police Station, gipusil sa duha ka mga lalaking nakasakay sa motorsiklo ang usa ka Christian Tacastacas aka Tantan, hingkod ang panuigon ug molopyo sa maong dapit, apan nakalikay kini ug maoy naigo ang taxi driver nga si Omar Delas Alas, 48, nga taga Zone 5 sa maong Brgy.
Daling gitambalan sa clinic sa Brgy Agusan ang biktima nga igson ni PSMSgt Niel Delas Alas ang chief investigator sa Cogon Police Station.
