CAGAYAN DE ORO CITY – Detinado sa kapolisan ang 24 anyos nga ulitawo nga giingong dunay depektoso sa pangisip tungod sa pag-unay’g patay niini sa iyang magulang babaye diha Zone 6,Sitio Pamalihi,Brgy Pagagpat ning syudad.
Giila ni Police Master Sgt Ariel Re-ursora,imbestigador sa Bulua Police Station ang biktima nga si Ruby Jane Montalbo,32 anyos,may kaipon samtang ang suspek mao si Roy Montalbo,24 anyos nga pulos nagpuyo sa maong lugar.
Gibutyag ni Re-ursora nga tuyo manghulam sa sundang sa suspek apan gibaliran kini sa biktima hinungdan nga nag-resulta sa pisikal nga komprontasyon.
Nakakuha’g kahoy ang biktima aron unta depensa apan nailog kini sa suspek ug maoy gibunal-bunal kaniya hangtod nga nakabsan sa kinabuhi.
Nasuta nga kanhi gumagamit sa ilegal nga droga ang suspek sa miaging katuigan.Kasuhan sa kapolisan sa murder ang suspek gumikan sa hitabo
