Mi-usbaw ang ihap sa aksidente sa dalan itande sa mga nabuthan sa pabuto atol sa holiday season, base sa datos sa Department of Health (DOH).
Segun sa record, niadtong Disyembre 21 hangtod 26, 2025 adunay 263 kaso sa road crashes ug 57 lamang ka fireworks-related injuries, nga mas ubos og 49% kumpara sa 2024.
Gikan Disyembre 21 hangtod katapusan sa bulan, natala ang 414 road crash injuries diin 305 motorcycle accidents ug 58 tungod sa pag-drive nga hubog, nga nagresulta sa 4 ka patay, ug 343 sa mga biktima wala nagsul-ob sa helmet.
Sa fireworks injuries, 125 kaso ang narehistro, ubos og 27% kumpara sa miaging tuig.
Sa pinakabag-ong datos, giingon nga 720 fireworks injuries ang narecord gikan Disyembre 21, 2025 hangtod Enero 5, 2026, ubos sa 14% kumpara sa 2024, apan ang road crash injuries misaka og 100% ug nahimong labing daghang public health concern sa holiday season.
