CAGAYAN DE ORO CITY – Ubos pa lang ang porsiento apan padayon ang pagsaka sa ihap sa mga tawong nabuthan sa nagkadaiyang pabuto sa pagtamod sa pasko ug mismong sa kasaulugan niini niadtong miaging semana sa Northern Mindanao.
Gikompirmar ni Jasper Kent Ola sa Regional Epidemiology Surveillance and Disaster Response Unit (RESDRU) sa Department of Health o DoH-10 nga sukad petsa 21 sa Disyembre hangtod sa katumanan sa pasko,anaa na sa siyam ang nabuthan.
Kini epekto sa paggamit sa maong mga biktima sa mga gidiling pabuto nga nag-apil sa piccolo,watusi,kwitis ug dagkong klase sa trayanggol.
Siya miingon unta makahinuklog na ang katawhan nga pag-usik-usik lang sa salapi ang pagpabuto inay angay magamit ang ilang hinaguan sa mas importante pa nga panginahanglan.
Hisayrang sa maong ihap,upat gikan sa Misamis Occidental,tulo sa Lanao del Norte samtang pabiling tag-usa gihapon sa Cagayan de Oro City ug dakbayan sa Iligan.
