CAGAYAN DE ORO CITY – Wala gibutyag ni City Mayor Oscar Moreno kung asa nga barangay nagpuyo ang bag-ong batan-ong lalaki nga nagpositibo sa COVID-19.
Sa virtual presser nga gilusad, kaganina sa buntag, maoy giluwat sa mayor nga nagpuyo ang bag-ong kaso sa numbered barangay sa syudad.
Hinoon, gitin-aw ni Moreno nga ang ika-10 nga kaso, wala makauli sa ilang barangay kay tipik sa mga new arrivals niadtong Mayo 19 gikan sa Sugbu.
Nakuhaan kini sa swab Mayo 21 ug nagpositibo sa Mayo 22. Ang pasyente kasamtangang anaa sulod sa City Isolation Unit tungod kay mild lamang ang iyang kaso.
Gipaniguro sa mayor nga guwardiyado ang maong luna ug dili mabalaka ang pamilya sa 26 anyos nga batan-on kay sila hinatagan sa pagkaon.
Sulod sa 14 dias mupa-ubos sa kwarantinas ang bag-ong kaso sa syudad.
