CAGAYAN DE ORO CITY, Philippines – Gikompirmar sa Department of Health (DOH) ang ika-napulo nga kaso sa Monkey Pox sa Pilipinas.
Kagahapon, sa gilusad nga press conference sa ahensya, gibutyag ni Health Secretary Teodoro Herbosa ang dugang bag-ong kaso sa MPOX.
Kini nga pasyente nagpangidad sa 33 anyos ug walay travel history sa gawas sa nasud.
Ang ulahing kaso sa MPOX natala niadto pang Disyembre 2023.
Gipaniguro ni Herbosa nga epektibo ang mekanismo nga gigamit sa ilang ahensya aron dali masanta ang pagkuyanap sa bayrus nga dala niini.
Gi-awhag sa Health Department ang tanan closed contact sa bag-ong kaso nga magpatest, ug kadtong dunay pagduda nga nataptan mahimong mopakunsulta gilayon sa labing duol nga hospital.
Lakip sa sintomas sa MPOX ang skin rash partikular sa nawong, sa likod, sa kamot, likod sa tangkugo, ug sa dughan.
Timailhan sa tawong infected na sa bayrus mao ang pagbaton sa mga hubag, sama sa gagmay’ng samad sa tibook lawas.
