CAGAYAN DE ORO CITY – Ipahimutang na sa katapusang pahulayan kadtong gatusang mga biktima nga pabiling wala maila sukad mihapak ang mata sa bagyong Sendong nga mikalas sa sobra libo ka tawo sa syudad takdo ika-13 nga tuig karong adlawa.
Kini subay sa koordinasyon sa city council ngadto sa simbahang Katolika ingon man sa ubang relihiyosong sekta ug mismong mga tagtungod sa mga namatay’ng mga residente nga igo lang narekober apan pakyas maila sa forensic analysis sa National Bureau of Investigation.
Miingon si Konsehala Girlie Balaba,chairman sa committee on social services nga himoon ang ceremony of internment sa city memorial park sa Bolonseri,Brgy Camaman-an ning syudad alas 9:30 sa buntag.
Hisayrang sa paghapak sa bagyong Sendong nga adunay international name nga si Tropical Storm Washi, mikalas kini sa mil-472 ka tawo ug mitala’g damyos nga halos 98 million dolyares niadtong Disyembre 16,2011.
