CAGAYAN DE ORO CITY-Kabahin ang pamilyang Acapulco nga midumdom sa ika-21 nga tuig nga sumad sa nahagsa nga abyon sa Cebu Pacific Flight 387 sa bukid sa Claveria,Misamis Oriental.
Kini human mihalad sa pag-ampo ang mga pamilya sa nangamatay nga mga pasahero ug crew sa maong eroplano nga pakyas makatugpa sa Lumbia Airport sa syudad niadtong Peb 2,1998.
Miingon si Loloy Acapulco nga sa wala pa niya hingpit mahatod ang iyang igsoon sa Manila Airport padulong sa Cagayan de Oro,may mga dili na maayo nga signos nga nakit-an niini.
Ayha pa nasabtan ni Acapulco ang maong panan-awon dihang nahagsa na ang eroplano pag-abot sa bukid sa Claveria sa maong tuig.
Dugtong niini,nangulo usab si Gov Bambi Emano sa pagdumdom sa hitabo diin naghimo’g clean up driver ug tree planting sa crash site.
