CAGAYAN DE ORO CITY, Philippines – Gidumdum ning adlawa ang ika 27 ka tuig nga anibersaryo sa pagkahagsa sa Cebu Pacific Flight 387.
Gibutyag ni Roy Waga, consultant sa MisOr Provincial Information Office, adunay gihalad nga misa sa CebuPac Shrine nga tambungan ni Misamis Oriental Gov. Peter Unabia, kuyog ang paryente sa mga biktima, karong buntag.
Miingon si Waga nga simpli lamang ang seremonya nga langkoban sa paghalad sa bulak sa tiilan sa Shrine, agig timaan nga wala kalimti ang mga biktima sa pinaka-ngilngig nga trahedya sa aviation history sa Pilipinas.
Mahinumduman nga ang eroplano gikan sa kaulohan apan mihapit sa Tacloban City.
Sa pagpaingon na sa Lumbia Airport, nahagsa kini sa taas nga bukid sa Mount Sumagaya, Claveria, niadtong Pebrero 2, 1998.
