Mas mikusog pa ang kalanog sa panawagan nga ipatangtang na sa White House si United States President Donald Trump. Kagahapon, kagabie, oras dinhi sa Pilipinas, miligid ang ikatolong hugna sa lapad nga “No Kings Day” sa daghang bahin sa Amerika.
Lakip sa gipaninggit sa grupo ang pagsupak sa deployment sa U.S. Immigration and Customs Enforcement o ICE raids.
Maoy grabeng gikondinar sa grupo ang paglusad sa opensiba sa tropa sa Amerika sa nasud sa Iran nga nagresulta sa pagsaka sa presyo sa lana sa tibook kalibutan ug ang domino effects niini sa mga palaliton sa ilang nasud.
Ang mass protest gitambungan sa grupo sa kababaihan, LGBTQIA, mga batan-ong propesyonal, mga magtutudlo, ug anaa sa medical sector.
Hisayran nga ang major events sa lihok protesta gipahigayon sa syudad sa St. Paul, Washington, D.C., New York, Los Angeles, ug El Paso.
Bitbit sa mga welgista ang ilang mga slogans, streams ug bandiritas nga nagkondinar sa mga sayop nga aksyon ni Trump.
