Gi-anunsyo ni Israeli Prime Minister Benjamin Netanyahu ang malampusong operasyon sa Israeli Defense Force (IDF) sa Gaza Strip.
Kini nga operasyon nagresulta sa pagkamatay ni Mohammed Sinwar, ang presumed leader sa Hamas nga nakabase sa syudad sa Gaza.
Misumada na sa lima ka Hamas leader ang napatay sa IDF sukad mi-inisyar sa pagpangatake ang militanteng grupo sa Kibuts Area niadtong Oktobre 7, 2023.
Gi-anunsyo usab sa IDF ang listahan sa ilang napatay nga Hamas Leaders.
Kini gilakipan nila – Mohammed Sinwar – hepe sa Hamas’ armed wing, ug ang kompirmasyon sa iyang kamatayon nahitabo Mayo 26, ning tuiga.
Patay usab sa military airstrike ang iyang igsoon nga si Yahya Sinwar niadtong October 2024.
Si Mohammed Deif, kinsa giila nga Hamas’ military commander, ang napatay sa Israeli strike sa August 2024.
Si Ismail Haniyeh, iladong Hamas’ political leader, gi-assassinate sa Tehran, Iran sa Hulyo 2024, apan gihimakak sa IDF ang ilang kalambigitan sa maong operasyon.
Nakabsan pinaagi sa airstrike sa Gaza si Marwan Issa, Senior Hamas military leader didto sa Gaza.
