CAGAYAN DE ORO CITY-Gilab-as sa mga biktima ilabina sa survivors ang ika-unom nga tuig sa paghapak sa bagyong Sendong ning syudad.
Miingon si Engr Ermin Pimentel,head sa City Housing and Urban Devt Dept o CHUDD nga may tulo ka bag-ong programa sila nga i-presentar sa Sendong survivors atol sa tigom sa city hall quadrangle unya sa hapon.
Dugang ni Pimentel nga tambungan ni City Mayor Oscar Moreno ang anibersaryo diin anaa usab ang libo ka officials sa 56 ka homeowners association gikan sa nagkadaiyang relocation sites sa syudad.
Una niini,gibutyag ni Msgr Perceus Cabunoc,rector sa San Agustin Cathedral nga may ipahigayong santos nga misa sa isla de oro,Brgy 13 ug Sitio Cala-Cala,Brgy Macasandig karong buntag.
Mihangyo usab si Cabunoc sa pag-ampo sa publiko alang sa kapin libo nga namatay ug gatusang missing atol sa trahedya ensaktong ika-unom ka tuig ning adlawa.
