Garboso ang ika 79 nga birthday ni US President Donald Trump. Nunot kini sa kompirmasyon sa White House nga sila mulusad sa pinakadakung military parade, dungan sa ika 250th anibersaryo sa katukuran sa US Army sa Hunyo 14.
Ang parada sa military-birthday ni Trump langkuban sa pagsundayag sa 6,600 ka sundalo, 150 ka military vehicles lakip na ang ilang mga tangke, 50 ka helicopters, ug 7 ka banda.
Gibana-bana nga kapin libo ang mutambong nga mga dignitaryo ug heads of state sa iyang espesyal nga adlaw.
Wala pay gibutyag ang White House kung pila ka milyon ang magasto sa usa ka adlaw nga kalihukan.
Kung mahinumduman nga niadtong Hunyo 2018 Military Parade ni Trump, migasto ang iyang administrasyon sa 92 milyon US dolyares.
Si Donald Trump natawo sa Hunyo 14, 1946.
