Hangtod walay opisyal nga dokumento nga mag‑request sa pag‑postpone sa ikaduhang tranche sa Wage Order No. 24, gikatakdang ipatuman karong Mayo 1 ang ₱14 nga usbaw sa suholan sa mga trabahante sa rehiyon.
Kini maoy pag‑eksplikar ni DOLE Region‑10 Technical Director Joffrey Suyao sa gipahigayon nga 124th Labor Day ug World Day for Safety and Health at Work press conference.
Gibutyag ni Suyao nga sa kasamtangang krisis, wala pa’y namonitor ang wage board nga adunay double‑digit inflation sa rehiyon, nga usa sa gilantaw nga basihan aron maka‑trigger ug review ug makabuhat ug aksyon ang wage board.
Giklaro usab niya nga sa migula nga mga sugyot sa suspension sa pagpatuman sa ikaduhang tranche nga ₱14 karong Mayo, wala sila makakita og basihan ubos sa ilang mga rules.
Labaw sa tanan, wala usab sila nadawat nga opisyal nga mga hangyo gikan sa nagkalain‑laing sektor.
