Wala pay komento sa Ukrainian Government sa mikatag nga akusasyon nga sila ang responsabli sa paghimo’g drone attack samtang naghatag sa New Years Day Message si Russia President Vladimir Putin, Disyembre 31, sulod sa Spasskaya Tower, Kremlim Moscow, Russia.
Base sa report, kini na ang ikaduhang assassination attempt kang Putin nga gitoohang gipaluyuhan ni Ukraine’s President Volodymyr Zelenskyy.
Gani, nahimong sentro sa mensahe ni Putin ang kalampusan sa Russia taliwala sa pagpadala sa 200 ka mga drones ni Zelenskyy sa mismong adlaw sa pagsugat sa bag-ong tuig.
Hisayran nga niadtong Pasko, gipahungaw sa Moscow ang report nga gisulayan ug atake sa drones ang balay ni Putin apan paspas kining nasanta sa ilang tropa.
