Nagpadayon ang pagpili sa bag-ong Santo Papa sa Vatican.
Ang mga kardinal mibalik sa Sistine Chapel aron mu-abante sa ilang naputol nga misyon, ning adlawa.
Mahinumduman nga napakyas sa pagpili sa Santo Padre ang 133 ka mga cardinal electors, dihang gipahungaw ang itom nga aso sa chimney sa kapilya, bandang alas 9 sa gabie, oras didto sa Roma.
Kapin 45,000 ka mga peregrino, mga deboto, laygo, turista ug regular nga mga residente sa Roma ang naghulat sa gawas sa St Peter Square Aron saksihan ang laing makasaysayanong hugna sa Simbahang Katolika.
Kung aduna nay mapili nga Santo Papa, siya na ang ika 267 nga pinakataas nga opisyal sa Vaticano, ug panguluhan Ang opisina sa The Holy See.
Sa mga posibleng kandidato, sila Cardinal Pietro Parolin ug Cardinal Luis Antonio Tagle ang gilangkuban sa mga nag-unang contenders, apan kung wala sila makakuha sa kadaugan, posibleng mobalhin ang mga boto ngadto sa ubang mga kardinal.
