Gilauman ni Mayor Rolando Klarex Uy nga maaprubahan na sa 21st City Council ang ikatulong tranche sa sweldo alang sa mga opisyal ug kawani sa lokal nga kagamhanan.
Atol sa flag ceremony, gipasalamatan sa maong opisyal ang City Budget Officer nga si Atty. Percy G. Salazar sanglit nahisukip na kini sa Supplemental Budget No. 3 subay sa gipagawas nga circular sa DBM.
Subay niini, gitakda nga magsugod na sa pagdawat sa bag-ong suholan ang mga mamumuo karong umaabot nga Septiyembre kon mapalabang na ang maong balaodnon.
Hinoon, gipanginahanglan una ang pag-aproba niini aron mahatag na sa mga empleyado sa city hall ang insaktong suholan nga gikatakda sa salary standardization.
