Gipasalig sa Criminal Investigation and Detection Group (CIDG) pinaagi sa ilang tigpamaba nga si Police Major Helen Dela Cruz nga andam silang moserbi sa tanang warrant of arrest batok sa bisan kinsa, ilado man o ordinaryong tawo.
Butyag niya, subay sa ilang mandato isip support unit sa kapulisan, padayon ang ilang kampanya pinaagi sa Oplan Pagtugis aron sikopon ang tanang mga wanted persons ug fugitives sa tibuok nasod.
Labaw pa niini, gipamatuod ni Dela Cruz nga ang ilang buhatan kanunayng nagtinguha sa kamatuoran ug hugot nga nagpatuman sa mga mando sa korte nga walay gikahadlokan o gipaboran.
Tungod niini, gipaniguro sa ahensya nga wala silay pili sa pagdakop ug magpabilin silang matinud-anon sa pagpatuman sa balaod.
