Padayon ang paghimo og mga lakang sa ILAW Shared Community aron ipatin-aw sa publiko ang SOGIE Equality Bill.
Matod ni John Paul Villamora senior officer sa ILAW, daghan ang nagtuo nga kini alang lamang sa LGBT community, apan kini usa ka sayop nga pagsabot kay ang balaod proteksyon alang sa tanan batok sa diskriminasyon sa sexual orientation, gender identity, ug expression.
Giila niya nga ang paghatod niini nga mensahe nanginahanglan og hiniusang pagpaningkamot, ilabina dinhi sa Mindanao nga usa ka multicultural ug relihiyoso nga dapit.
Tungod niini, hinay-hinay ug step-by-step ang ilang proseso aron masiguro nga mahatag ang impormasyon sa simple ug matinahuron nga paagi base sa kultura sa mga tawo.
Busa, tumong nila nga makasabot ang katawhan nga dili angay matamakan ang tagsa-tagsa ka mga pagtuo samtang nag-edukar bahin niini nga katungod.
